Ааспыт нэдиэлэҕэ Саха Өреспүүбүлүкэтин Н.Е.Мординов - Амма Аччыгыйа аатынан "Кэскил" оҕо бэчээтин кыһатыттан хаһыат бэлэх туттубут. "Кэскил" хаһыат ахсынньы 14 күнүнээҕи нүөмэригэр саха сайдар суола - "Эркээйи эргиирэ" бырагыраама туһунан сиһилии суруллубут. "Эркээйи эргиирэ" оҕо, ыччат сайдар эйгэтин тэрийии бырагыраамата буолар. Оҕо сайдар эйгэтин тэрийии - өйүнэн-санаатынан, дьоҕурунан холкутук улаатарыгар, айдарыгын арыйарыгар, киһилии киэптээх буола үүнэригэр сөптөөх усулуобуйаны олохтооһун. Биһиги уһуйааммыт бу бырагырааманы олоххо киллэриигэ Саха Өреспүүбүлүкэтин пилотнай былаһаакката буолар. Амма Аччыгыйа аатынан "Кэскил" оҕо бэчээтин кыһатын бары үлэһиттэрин ааспыт Арассыыйа бэчээтин күнүнэн эҕэрдэлиибит уонна махталбытын тиэрдэбит.