Алтынньы 16 кунуттэн сэтинньи 15 кунугэр диэри уьуйааммытыгар ийэлэргэ аналлаах декада тумуктэннэ. Бу кэрчик кэм иьигэр белехтерунэн араас интэриэьинэй дьаьаллар ыытылыннылар. 

"Кунчээн" улахан белеххе ийэлэр кэлэннэр нэдиэлэ аайы о5олоругар дьарыктары ыыттылар. Ол курдук тарба5ар талааннаах ийэбит Кривошапкина С.Г. (технология учуутала) байанай ыйынан о5олорго пластилинынан балык оноттордо. Библиотекарь ийэбит Попова А.П. кинигэни харыстыырга, хайдах керерге уерэттэ, остуоруйа кэпсээтэ уонна оонньуу оонньотто. Худуоьунньук ийэбитин Иванова А.И. кытта кэлэн иьэр сана дьылынан эриэхэлэринэн панно онордулар. Учуутал идэлээх ийэбит Барашкова С.В. илиини сурукка бэлэмнииргэ тарбахха эрчиллиилэри оноттордо уонна харандааьы таба тутарга уерэттэ. Ункууьут ийэлэрбит Кривошапкина М.В. сахаэтнофитнес, Фомина Д.В. аэробика ыытаннар ункуу кунун бэлэхтээтилэр, онтон минньигэс астаах ийэ Кирилллина М.Ю. кэмпиэт онотторон, бэйэлэригэр сиэтэн, о5олор олус астыннылар, уердулэр.

"Ньээм-ньээм" иккис кыра белеххе "Мин ийэм - мин кунум" диэн Ийэ кунугэр аналлаах аралдьытыы ыытылынна. О5олору, тереппуттэри, иитээччилэри музыка саалатыгар "Кун кыыс" уерэ-кете керустэ. Бырааьынньык куну кытта оонньууттан са5аланна. Кырачааннар ийэлэригэр ырыа ыллаан, ункуулээн, уьуйаанна тугу уерэппиттэрин  кердердулэр, тумугэр ийэлэрин кытта ункуулээтилэр.